Háklassaplayer!

Breytingarnar á titlinum eru aðeins tilraun til þess að gá hversu margir koma hingað inn vegna titilsins. Áður var 1 sem kom út af Pac og annars út af Mac.

Til þess að gleðja, kæta og hressa hef ég ákveðið að láta inn nýja mynd. Myndin ber nafnið Mellow Yellow og er af stórsöngvaranum Jiang Zemin.

Myndin

Nú sit ég hér klukkan 10, andvaka. Ég titra af hungri og get varla skrifað. Ég hlusta á morgunsjónvarp barnanna þar sem er verið að kenna um árið. 12 mánuðir, 52 vikur, 24 tímar í sólarhring. Hvaða krakki á eftir að muna þetta? Ég bara spyr? Nú gætirðu verið sniðug/ur og sagt: „Þú!“ Ha... ha... ha... Ekki fyndið! En svona í alvörunni...

Hugsið ykkur hvað það væri auðvelt að brenna einhver satanísk skilaboð í hug krakka með hjálp sjónvarpsins. Það er nú víst bannað, en það væri hægt. Ef ég myndi gera barnaefni myndi ég gera eitthvað virkilega flippað. Ég myndi segja öllum krökkunum að gera byltingu, með mig í fararbroddi. Okkur myndi sennilega ekki takast það, en það væri flipp

Hvað er með þessa hrifningu af hömstrum? Menn eru alltaf að segja eitthvað sem gefur til kynna að það hafi sofið hjá hamstri eða í þá áttina. Eru þeir stoltir af þessu? Persónulega væri ég ekki stoltur af því að vera trúður dýraríkisins. Ætli naggrísir geri grín að þeim? Hver veit nema að þeir verði næstir. Hamstrarnir eru a.m.k. ekki eins mikið í tísku og þeir voru, hápunkturinn var þegar „Sleikir Hamstur“ með Tvíhöfða kemur út. Sem minnir mig á það...

Tvíhöfði er að byrja aftur. Veit ég ekki hvernig það tekst, þar sem að þeir eru frekar útbrunnir... Gnarrenburg, need I say more? En ég vil engu að síður gefa þeim tækifæri. Eitt tækifæri fyrir alla gleðina. Eitt tækifæri fyrir dómskerfið. Eitt tækifæri fyrir hamstrana.

Það stendur ferna á borðinu sem mér finnst eins og ég hafi verið að drekka í gær, en ég var víst að drekka hana í dag... þ.e.a.s. fyrir, öh, 3-4 tímum. Svo fór ég og horfði á Three to Tango eða eitthvað þannig.

Ég er að velta fyrir mér hvort ég eigi að vaka þetta bara, vera harður... maður veit aldrei. Hver veit hvort þessi færsla verði hérna eftir að ég hef sofið eitthvað, kannski er ég að segja eitthvað sem ég ætti ekki að segja. Hver veit?

Barbapabbi var fíll er það ekki? A.m.k. er teiknimynd í sjónvarpinu með fílnum þarna... með kórónuna. Jú, ég er viss... það er hann. Ég var að velta fyrir mér hvort að það hafi nokkuð verið Múmínpabbinn sem ég væri að ruglast á.

Heroin með Velvet Underground & Nico er gott. Er að hlusta á það núna.

Jæja... ég held að þetta sé komið nóg.

Ef einhver kann að opna osis vaxrúllu einhvers konar má hann kommenta hvernig hann fór að því.